Mini Hobbies

Reisen I dä Ferie reis ich am liebschte chli i dä Wältgschicht umenand. Mini Favorite sind Canada und Auschtralie ;-) Leider han ich mich i dä letschte Zyt eher chli uf nöcheri Deschtinatione müesse konzentriere...

Skifahre Fahre für's Läbe gern ski. Am eheschte triffsch mich am carve uf dä Pischte vo Savognin... Det han ich scho unzähligi Kurve in Schnee gleit ;-) 

Spinning Im März 2000 han ich mit spinne agfange bin sither ziemlich agfrässe (mit ere längere Pause dezwüschet). Was?? Du weisch nöd was Spinning isch? Dänn klick dä Link mal ah und informier dich... ;-) 

Fein ässe Bin en Feinschmöcker und iss gern viel und guet *smile* Eis vo mine Lieblingsässe isch Riz Cazimir und generell scharfi Choscht. Wiiters han ich sehr gern die asiatischi und italienischi Chuchi aber es chan au mal en schnöde Hamburger sii *grins*

Usgang Gange gern mal is Kino, gediege und fein go ässe, go abtanze oder eifach suscht go fäschte...

Internet Ich hocke mich au mal gern vor dä Bildschirm und klick mich dur s'Internet. Sägs zum ersteigere vome Artikel in Ebay oder Ricardo, öpisem woni wett chaufe oder eifach just for fun... ;-)